Eginzaleak! Egitearen kulturari balioa emateko topagunea da, lankidetza-dinamiken, kultura digitalaren eta praktika irekien inguruan garatutako proiektuak bilduz. Aurten, iraunkortasuna eta berrerabilpena izan ditu ildo nagusi, artetik eta ehungintzatik egindako tratamenduari arreta berezia eskainiz.

Egun osoan zehar, Tabakalerako 3. solairuan arropa eta ehunak konpondu, berrerabili eta eraldatzea helburu duen praktika-gune bat jarri dugu martxan, eta lau estazio aktibatu dira ehunak berrerabili eta eraldatzeko, modarekin, sorkuntzarekin eta jasangarritasunarekin lotutako hainbat eragile eta kolektibok gidatuta.