Udaberriko Filandoia 

Bilboko Udalak, Bizkaiko Foru Aldundiarekin, ACTrekin (Ehungintza Sortzeko Elkartea) eta Estudio Bokashirekin batera, Filandón programa jarri du abian: belaunaldien arteko joskintza topaketak. Ideia nagusia parte hartzeko espazio inklusibo eta multikulturalak sustatzea da, belaunaldien arteko jakintza-trukea eta teknika tradizionalen transmisioa sustatzeko, gazteek beren berrinterpretazioa egin ahal izan dezaten moda garaikidean.

Lehenengo topaketa apirilaren 25ean izango da, 11:00etatik 14:00etara. Hurrengo bi saioak ekainaren 6an eta urriaren 24an izango dira. Hitzordu horiek ez dira kasualitatea, urteko urtaroei erreferentzia egiteko pentsatuta baitaude, eta, horrela, gai desberdinak sortzen dira topaketa bakoitzean. Saio guztiak La Perreran egingo dira. Halaber, izen-emateak doakoak dira etan hemen egin daitezke.

Filandon honetarako ekarri zure ehun-lana: kakorratza, brodatua, ehoziriak, jostura edo esku artean duzun beste edozein proiektu. Pertsona bakoitzak bere lanean modu autonomoan aurrera egitea da asmoa, prozesua eta unea besteekin partekatuz.

Ez kezkatu uneren batean lan bat trabatzen bazaizu: beti daude esku adituak eta esperientziadun pertsonak zuri laguntza emateaz pozik egongo direnak.

Filandonean, belaunaldien artean jakintzak trukatzea, teknika tradizionalak transmititzea eta sare komunitarioak sortzea bilatzen dugu. Horregatik, jakin-mina eta goiz bat konpainia onean partekatzeko gogoa duen edonori irekita dago.

Apirilaren 25ean, larunbata, 11:00etatik 14:00etara La Perreran (Sabino Arana, 50).

Saioak Soledad Santisteban artisauak zuzenduko ditu, teknika tradizionaletan eta garaikideetan aditua, ikertzailea eta ehungintzako ondarearen kontserbazioan eta zaharberritzean aditua, Estudio Bokashi Bilboko ehungintzarako guneko Laura Marchante eta Libe Kerroumekin batera.